သန်းခေါင်စာရင်းကောက်ယူခြင်း ၂၀၂၅

အွန်လိုင်းမှ ဖြေဆိုခြင်း

စက်တင်ဘာလ ၂၀ရက် (စနေနေ့ ) မှ အောက်တိုဘာလ ၈ရက် (ဗုဒ္ဓဟူးနေ့ ) အထိ

ဤစစ်တမ်းကို အွန်လိုင်းမှ ဖြေဆိုပါရန် မေတ္တာရပ်ခံအပ်ပါသည်။ မိမိနေအိမ်သို့ စစ်တမ်းနှင့်ပတ်သက်သည့်စာရွက်စာတမ်းများရောက်ရှိလာပါက ဖြေဆိုရမည့်ဝက်ဘ်ဆိုက်သို့ ဝင်ရောက်ပြီး စခရင်ပေါ်မှ လမ်းညွှန်ချက်များအတိုင်းလိုက်နာကာ ဖြေဆိုပါ။
ဖြေဆိုသည့်အခါ ပေးပို့ထားသော “စစ်တမ်းဆိုင်ရာ စာရွက်စာတမ်းအိတ်”ထဲ၌ပါရှိသည့် “အွန်လိုင်းမှ ဖြေဆိုရန် တောင်းခံလွှာ” ၏ ညာဘက်အောက်၌ ပုံနှိပ်ထားသော “လော့ခ်အင်ဝင်ရန် QR ကုဒ်” ကို စကင်န်ဖတ်ပါ။

“လော့ခ်အင်ဝင်ရန် QR ကုဒ်”မှတစ်ဆင့် သန်းခေါင်စာရင်းအွန်လိုင်းသို့ ဝင်ပြီး၊ ညာဘက်အပေါ်၌ရှိသော “Language”တွင် ဖြေဆိုရာတွင်သုံးမည့် ဘာသာစကားကို ရွေးချယ်ပါ။ အွန်လိုင်းမှဖြေဆိုရာတွင် အောက်ပါဘာသာစကားများဖြင့် ဖြေဆိုနိုင်ပါသည်။
ဂျပန်ဘာသာ၊ အင်္ဂလိပ်ဘာသာ၊ တရုတ်ဘာသာ (လက်ရေးတို ၊ လက်ရေးရှည်)၊ ကိုးရီးယားဘာသာ၊ ဗီယက်နမ်ဘာသာ၊ ပေါ်တူဂီဘာသာ၊ စပိန်ဘာသာ

ကွန်ပျူတာစသည်တို့ဖြင့် QR ကုဒ် ဖတ်၍မရပါက အောက်ပါ “စတင်ဖြေဆိုမည်” ကို ကလစ်နှိပ်ပါ။ လော့ခ်အင်ဝင်ရာ၌ “အွန်လိုင်းမှ ဖြေဆိုရန် တောင်းခံလွှာ”တွင် ပါသည့် “လော့ခ်အင် ID” နှင့် “Acces key”တို့ လိုအပ်ပါသည်။

စတင်ဖြေဆိုခြင်း (အင်္ဂလိပ်)

• ဖြေဆိုပေးလိုက်သောသတင်းအချက်အလက်များကို တင်းကျပ်သော လုံခြုံရေးအစီအမံများဖြင့် ကာကွယ်ပေးထားသည့်အတွက် စိတ်ချ၊ လုံခြုံမှုရှိပါသည်။
• ဖြေဆိုပြီးနောက် အောက်တိုဘာလ ၁ရက် (ဗုဒ္ဓဟူးနေ့) မတိုင်မီအတောအတွင်း မိသားစုဝင် ထပ်မံမွေးဖွားခြင်း၊ လိပ်စာပြောင်းခြင်းကဲ့သို့သော ဖြေဆိုခဲ့သည့် အကြောင်းအရာ၌ ပြောင်းလဲမှုရှိပါက တဖန်လော့ခ်အင်ပြန်လည်ဝင်ရောက်ပြီး ပြင်ဆင်ပါ။ လော့ခ်အင်ထပ်မံဝင်ရာ၌ “လော့ခ်အင် ID” နှင့် သင်ထားခဲ့သော “လျှို့ဝှက်နံပါတ်”တို့ လိုအပ်ပါသည်။
• အွန်လိုင်းမှဖြေဆိုခဲ့သည့် အိမ်ထောင်စုများသည်၊ စစ်တမ်းလွှာစာရွက်ကို ဖြည့်ပြီးပေးပို့ရန် မလိုအပ်ပါ။ စစ်တမ်းလွှာစာရွက်၌ မည်သည့် အကြောင်းအရာကိုမျှ ရေးသားဖြည့်စွက်ခြင်းမပြုဘဲ၊ အခြားနေရာတွင်တလွဲအသုံးချမခံရစေရန် စွန့်ပစ်ပါ။

စစ်တမ်းလွှာ(စာရွက်)ဖြင့် ဖြေဆိုခြင်း

အောက်တိုဘာလ 1 ရက်နေ့ (တနင်္ဂနွေ) မှ အောက်တိုဘာလ 8 ရက် (ဗုဒ္ဓဟူး) အထိ

အွန်လိုင်းမှ မဖြေနိုင်သည့်သူများသည် စစ်တမ်းလွှာစာရွက်ဖြင့် ဖြေဆိုရပါမည်။
စစ်တမ်းလွှာစာရွက်ကိုသုံးပြီး ဖြေဆိုမည့်အခါ “ဘာသာပြန်ထားသည့် စစ်တမ်းလွှာ“ နှင့် “ဘာသာပြန်ထားသည့် စစ်တမ်းလွှာ ဖြည့်စွက်နည်း” တို့ကို ကိုးကား၍ ဖြန့်ဝေထားသော “စစ်တမ်းဆိုင်ရာ စာရွက်စာတမ်းအိတ်”ထဲရှိ စစ်တမ်းလွှာ၌ ဖြည့်စွက်ပါ။
ဖြည့်စွက်ပြီးသော စစ်တမ်းလွှာကို သုံးခေါက်ချိုးပြီး “စာတိုက်မှပေးပို့ရန်စာအိတ်”ထဲသို့ထည့်ကာ၊ တံဆိပ်ခေါင်းမကပ်ဘဲ အောက်တိုဘာလ ၈ရက်(ဗုဒ္ဓဟူးနေ့) နောက်ဆုံးထားပြီး အနီးဆုံးစာတိုက်ပုံးမှ တစ်ဆင့်ပေးပို့ပါ။

• စာတိုက်မှ ပို့ရန်ခက်ခဲပါက စစ်တမ်းလွှာကို ပြန်လည်သိမ်းယူရန်အတွက်၊ စစ်တမ်းကောက်သူက လာရောက်မည်ဖြစ်သည့်အတွက် အောက်ပါ သန်းခေါင်စာရင်းဆိုင်ရာ ဆက်သွယ်ရန်စင်တာသို့ အကြောင်းကြားပေးပါ။
• စစ်တမ်းလွှာစာရွက်တွင် ၁ရွက်လျှင် ၄ဦးအထိ ရေးဖြည့်နိုင်ပါသည်။ ၅ဦးနှင့်အထက် ဖြည့်မည်ဆိုပါက စစ်တမ်းလွှာ အပိုပေးဝေမည် ဖြစ်သည့်အတွက် အောက်ပါ သန်းခေါင်စာရင်းဆိုင်ရာ ဆက်သွယ်ရန်စင်တာသို့ ဆက်သွယ်ပါ။