ການສຳຫຼວດພົນລະເມືອງ ປີ 2025

ホーム
がいこくごサポート
ພາສາລາວ

ລັດຖະບານຍີ່ປຸ່ນຈະດຳເນີນການສຳຫຼວດພົນລະເມືອງມາຮອດວັນທີ 1 ຕຸລາ 2025.
ການສໍາຫຼວດພົນລະເມືອງແມ່ນການສໍາຫຼວດສະຖິຕິທີ່ສໍາຄັນທີ່ສຸດທີ່ໃນທຸກໆ 5 ປີ.

ຜົນການສຳຫຼວດພົນລະເມືອງແມ່ນນຳໃຊ້ເຂົ້າໃນການປະຕິບັດມາດຕະການເຊັ່ນ: ຈັດສັນໂຕເມືອງທີ່ສະດວກໃນການດຳລົງຊີວິດໃຫ້ແກ່ຄົນຕ່າງປະເທດຕ່າງໆ.

ບຸກຄົນທີ່ຢູ່ໃນເປົ້າຫມາຍຂອງການສໍາຫຼວດພົນລະເມືອງແມ່ນ ຜູ້ທີ່ໄດ້ອາໄສຢູ່ໃນປະເທດຍີ່ປຸ່ນຫຼາຍກວ່າ 3 ເດືອນ, ຫຼືຜູ້ທີ່ຈະອາໄສຢູ່ປະເທດຍີ່ປຸ່ນຫຼາຍກວ່າ 3 ເດືອນຂື້ນ ບໍ່ວ່າຈະແມ່ນສັນຊາດໃດ. ບຸກຄົນທີ່ຢູ່ໃນເປົ້າຫມາຍແມ່ນມີພັນທະທີ່ຈະຕ້ອງຕອບຂໍ້ມູນ, ສະນັ້ນກະລຸນາຕອບຂໍ້ມູນຢ່າງຄົບຖ້ວນ.
ເນື້ອໃນຂໍ້ມູນທີ່ຕອບມາແມ່ນຈະນໍາໃຊ້ສະເພາະໃນການລວບລວມສະຖິຕິ, ຈະບໍ່ຖືກນໍາໃຊ້ເພື່ອຈຸດປະສົງອື່ນເຊັ່ນ: ການຄຸ້ມຄອງຄົນເຂົ້າເມືອງ ຫຼື ການສືບສວນຂອງຕໍາຫຼວດແລະອື່ນຯ.

ກໍລະນີຖ້າມີສິ່ງທີ່ກົງກັບຂໍ້ທາງລຸ່ມຕໍ່ໄປນີ້, ກະລຸນາຕິດຕໍ່ສູນພົວພັນການສຳຫຼວດພົນລະເມືອງ.

ກໍລະນີບໍ່ມີໃຜຢູ່ໃນເຮືອນຂອງທ່ານທີ່ອາໄສຢູ່ໃນປະເທດຍີ່ປຸ່ນຫຼາຍກວ່າ 3 ເດືອນ ຫຼື ຜູ້ທີ່ຈະອາໄສຢູ່ໃນປະເທດຍີ່ປຸ່ນຫຼາຍກວ່າ 3 ເດືອນ.
ກໍລະນີມີຜູ້ອື່ນອາໄສຢູ່ໃນເຮືອນຂອງທ່ານນຳກັນ ທີ່ມີການແຍກຄ່າໃຊ້ຈ່າຍໃນການດຳລົງຊີວິດ
ກໍລະນີພາຍໃນເຮືອນຂອງທ່ານ, ມີພື້ນທີ່ດໍາລົງຊີວິດແຍກຕ່າງຫາກ ເຊິ່ງຢູ່ບ່ອນນັ້ນມີຄົນອື່ນອາໄສຢູ່

ວິທີການຕອບຂໍ້ມູນການສຳຫຼວດພົນລະເມືອງ

ການຕອບຂໍ້ມູນທາງອອນລາຍ

ແຕ່ວັນເສົາ ທີ 20 ເດືອນກັນຍາ ຫາ ວັນພຸດ ທີ 8 ເດືອນຕຸລາ

ການສຳຫຼວດນີ້ແມ່ນ ກະລຸນາຕອບຂໍ້ມູນທາງອອນລາຍ. ເມື່ອທ່ານໄດ້ຮັບເອກະສານການສໍາຫຼວດສົ່ງໃຫ້ຢູ່ເຮືອນ, ກະລຸນາເຂົ້າເວັບໄຊຕອບຂໍ້ມູນ, ແລະຕອບຄຳຖາມໂດຍປະຕິບັດຕາມຄໍາແນະນໍາໃນຫນ້າຈໍ.
ໃນເວລາທີ່ຕອບຂໍ້ມູນ, ກະລຸນາສະແກນ "ລະຫັດ QR ສຳລັບເຂົ້າສູ່ລະບົບ" ທີ່ພິມຢູ່ແຈທາງລຸ່ມເບື້ອງຂວາຂອງ "ແບບຟອມຄໍາຮ້ອງໃນການຕອບຂໍ້ມູນທາງອອນລາຍ" ທີ່ຢູ່ໃນ "ຊ່ອງເອກະສານການສໍາຫຼວດ" ທີ່ຖືກແຈກຢາຍໃຫ້ທ່ານ.

ຊ່ອງເອກະສານການສໍາຫຼວດ
ແບບຟອມຄໍາຮ້ອງໃນການຕອບຂໍ້ມູນທາງອອນລາຍ

ລະຫັດ QR ສຳລັບເຂົ້າສູ່ລະບົບ

ເມື່ອເຂົ້າໄປສູ່ຫນ້າການສໍາຫຼວດພົນລະເມືອງທາງອອນລາຍໂດຍຜ່ານ "ລະຫັດ QR ເຂົ້າສູ່ລະບົບ" ໄດ້ແລ້ວ, ກະລຸນາເລືອກພາສາທີ່ທ່ານຕ້ອງການໃຊ້ເພື່ອຕອບຂໍ້ມູນຈາກ “Language” ຢູ່ໃນທາງເທິງເບື້ອງຂວາ. ການຕອບຂໍ້ມູນທາງອອນລາຍແມ່ນສາມາດເຮັດໄດ້ໂດຍໃຊ້ພາສາດັ່ງຕໍ່ໄປນີ້.
ພາສາຍີ່ປຸ່ນ, ພາສາອັງກິດ, ພາສາຈີນ(ອັກສອນຈີນປະຈຸບັນ / ອັກສອນຈີນດັ້ງເດີມ) , ພາສາເກົາຫຼີ, ພາສາຫວຽດນາມ, ພາສາປອກຕຸຍການ, ພາສາແອັດສະປາຍ

ກໍລະນີທີ່ບໍ່ສາມາດອ່ານລະຫັດ QR ໂດຍຜ່ານຄອມພິວເຕີຕ່າງໆໄດ້, ກະລຸນາກົດເຂົ້າ "ເລີ່ມຕົ້ນການຕອບ" ຂ້າງລຸ່ມນີ້. ເວລາຈະເຂົ້າສູ່ລະບົບ, ຈຳເປັນຕ້ອງມີ "ລະຫັດ ID ເຂົ້າສູ່ລະບົບ" ແລະ "ລະຫັດການເຂົ້າ" ທີ່ພິມຢູ່ໃນ "ແບບຟອມຄໍາຮ້ອງໃນການຕອບຂໍ້ມູນທາງອອນລາຍ"

ເລີ່ມຕົ້ນການຕອບ (ພາສາອັງກິດ)

ຂໍ້ມູນທີ່ທ່ານຕອບມາແມ່ນຈະມີການຮັກສາໂດຍມາດຕະການຮັກສາຄວາມປອດໄພທີ່ເຄັ່ງຄັດ, ດັ່ງນັ້ນທ່ານສາມາດ ຫມັ້ນໃຈໄດ້ວ່າມີຄວາມປອດໄພ.
ຫຼັງຈາກທີ່ທ່ານຕອບຂໍ້ມູນໄປແລ້ວ, ກໍລະນີຖ້າມີການປ່ຽນແປງກ່ຽວກັບເນື້ອໃນຂອງຄໍາຕອບພາຍໃນວັນພຸດທີ 1 ຕຸລາ ເຊັ່ນ: ມີການເກີດ ຫຼື ການຍົກຍ້າຍຂອງສະມາຊິກໃນຄົວເຮືອນ, ກະລຸນາເຂົ້າສູ່ລະບົບອີກຄັ້ງ ເພື່ອແກ້ໄຂຂໍ້ມູນ. ໃນການເຂົ້າສູ່ລະບົບອີກຄັ້ງ, ຈຳເປັນຕ້ອງມີ "ລະຫັດ ID ເຂົ້າສູ່ລະບົບ" ແລະ "ລະຫັດຜ່ານ" ທີ່ທ່ານຕັ້ງໄວ້.
ຄົວເຮືອນທີ່ຕອບຂໍ້ມູນທາງອອນລາຍແລ້ວແມ່ນບໍ່ຈຳເປັນຕ້ອງສົ່ງເຈ້ຍແບບສຳຫຼວດ. ບໍ່ໃຫ້ຕື່ມຂໍ້ມູນໃນເຈ້ຍແບບສໍາຫຼວດ, ກະລຸນາທຳລາຍເຈ້ຍແບບສຳຫຼວດຖີ້ມເພື່ອບໍ່ໃຫ້ຖືກນໍາໃຊ້ເພື່ອຈຸດປະສົງອື່ນ.

ການຕອບຂໍ້ມູນແບບສຳຫຼວດ (ເຈ້ຍ)

ແຕ່ວັນພຸດ ທີ 1 ຕຸລາ ຫາ ວັນພຸດ ທີ 8 ຕຸລາ

ທ່ານທີ່ບໍ່ສາມາດຕອບຂໍ້ມູນທາງອອນລາຍໄດ້, ກະລຸນາຕອບຂໍ້ມູນຜ່ານເຈ້ຍແບບສຳຫຼວດ.
ກໍລະນີຕອບຂໍ້ມູນໂດຍຜ່ານເຈ້ຍແບບສຳຫຼວດ, ກະລຸນາເບິ່ງ "ແບບສຳຫຼວດສະບັບແປ" ແລະ "ວິທີການຂຽນແບບສຳຫຼວດສະບັບແປ" ແລະຂຽນແບບສຳຫຼວດທີ່ຢູ່ໃນ "ຊ່ອງເອກະສານການສໍາຫຼວດ" ທີ່ແຈກຢາຍໃຫ້ທ່ານ.
ເຈ້ຍແບບສຳຫຼວດທີ່ຂຽນແລ້ວແມ່ນກະລຸນາພັບເປັນສາມສ່ວນ, ເອົາໃສ່ໃນ "ຊ່ອງສໍາລັບຢື່ນສົ່ງທາງໄປສະນີ," ໂດຍບໍ່ຕ້ອງຕິດສະແຕມ, ປ່ອນໃສ່ກ່ອງໄປສະນີທີ່ໃກ້ທີ່ສຸດກ່ອນວັນພຸດ ທີ 8 ຕຸລາ.

ກໍລະນີມີຄວາມຫຍຸ້ງຍາກໃນການສົ່ງທາງໄປສະນີ, ກະລຸນາຕິດຕໍ່ສູນພົວພັນການສຳຫຼວດພົນລະເມືອງຂ້າງລຸ່ມນີ້, ຈະມີພະນັກງານສໍາຫຼວດມາຮັບເອົາແບບສຳຫຼວດ.
ສຳລັບເຈ້ຍແບບສຳຫຼວດ 1 ສະບັບສາມາດຂຽນໄດ້ສູງສຸດເຖິງ 4 ຄົນ. ກໍລະນີທ່ານຈະຂຽນຂໍ້ມູນຫຼາຍກວ່າ 5 ຄົນ, ຈະແຈກຢາຍແບບສຳຫຼວດຕື່ມໃຫ້, ດັ່ງນັ້ນກະລຸນາຕິດຕໍ່ສູນພົວພັນການສຳຫຼວດພົນລະເມືອງຂ້າງລຸ່ມນີ້.