ជំរឿនប្រជាជន 2025

ការផ្ដល់ចម្លើយតាមអ៊ីនធឺណិត

ពីថ្ងៃសៅរ៍ទី 20 ខែកញ្ញាដល់ថ្ងៃពុធទី 8 ខែតុលា

សូមផ្ដល់ចម្លើយការស្រង់ស្ថិតិនេះតាមអ៊ីនធឺណិត។ ពេលដែលឯកសារស្រង់ស្ថិតិត្រូវបានបញ្ជូនដល់គេហដ្ឋានអ្នក សូមចូលទៅវេបសាយផ្ដល់ចម្លើយ ហើយធ្វើតាមការណែនាំនៅលើអេក្រង់ដើម្បីផ្ដល់ចម្លើយ។
នៅពេលផ្ដល់ចម្លើយ សូមស្គែន "QR កូដសម្រាប់ចូលប្រព័ន្ធ" ដែលបោះពុម្ពនៅខាងស្ដាំខាងក្រោមនៃ "លិខិតសំណូមពរផ្ដល់ចម្លើយតាមអ៊ីនធឺណិត" នៅក្នុង "ស្រោមសំបុត្រដាក់ឯកសារស្រង់ស្ថិតិ" ដែលត្រូវបានចែកចាយដល់អ្នក។

នៅពេលដែលអ្នកបានចូលទំព័រជំរឿនប្រជាជនតាមអនឡាញតាមរយៈ "QR កូដសម្រាប់ចូលប្រព័ន្ធ" សូមជ្រើសរើសភាសាដែលអ្នកចង់ប្រើដើម្បីផ្ដល់ចម្លើយនៅត្រង់ "Language" ដែលនៅខាងស្តាំខាងលើ។ ការផ្ដល់ចម្លើយតាមអ៊ីនធឺណិតគឺអាចប្រើភាសាដូចតទៅ។
ភាសាជប៉ុន, អង់គ្លេស, ចិន (អក្សរចិនសាមញ្ញ/អក្សរចិនបុរាណ), កូរ៉េ, វៀតណាម, ព័រទុយហ្គាល់, អេស្ប៉ាញ

ប្រសិនបើមិនអាចស្គែន QR កូដដោយប្រើកុំព្យូទ័រជាដើមបាន សូមចុច "ចាប់ផ្តើមផ្ដល់ចម្លើយ" ខាងក្រោម។ ក្នុងការចូលប្រព័ន្ធ គឺត្រូវការ "ID សម្រាប់ចូលប្រព័ន្ធ" និង "លេខសម្ងាត់សម្រាប់ចូលប្រើ" ដែលត្រូវបានបោះពុម្ពនៅលើ "លិខិតសំណូមពរផ្ដល់ចម្លើយតាមអ៊ីនធឺណិត"។

ចាប់ផ្តើមផ្ដល់ចម្លើយ (អង់គ្លេស)

• ព័ត៌មានដែលអ្នកបានផ្តល់ ត្រូវបានការពារដោយវិធានការសុវត្ថិភាពដ៏តឹងរ៉ឹង ដូច្នេះគឺអាចទុកចិត្តបាននិងមានសុវត្ថិភាព។
• ក្រោយពេលផ្ដល់ចម្លើយ ប្រសិនបើមានការកែប្រែនៃខ្លឹមសារចម្លើយដូចជាសមាជិកគ្រួសារបានកើតឬរើទីលំនៅជាដើមមិនហួសថ្ងៃពុធ ទី 1 ខែតុលា សូមចូលប្រព័ន្ធម្តងទៀតហើយកែតម្រូវ។ ដើម្បីចូលប្រព័ន្ធម្ដងទៀត គឺត្រូវការ "ID សម្រាប់ចូលប្រព័ន្ធ" និង "ពាក្យសម្ងាត់" ដែលអ្នកបានកំណត់។
• គ្រួសារដែលបានផ្ដល់ចម្លើយតាមអ៊ីនធឺណិត គឺមិនចាំបាច់ដាក់សន្លឹកស្រង់ស្ថិតិជាក្រដាសឡើយ។ សូម​កុំ​បំពេញសន្លឹកស្រង់ស្ថិតិជាក្រដាស ហើយបោះចោលដោយកុំប្រើ​ក្នុង​គោល​បំណង​ផ្សេង​

ការផ្ដល់ចម្លើយតាមសន្លឹកស្រង់ស្ថិតិ(ក្រដាស)

ពីថ្ងៃពុធទី 1 ខែតុលាដល់ថ្ងៃពុធទី 8 ខែតុលា

ចំពោះអ្នកដែលមិនអាចផ្ដល់ចម្លើយតាមអ៊ីនធឺណិតបាន សូមផ្ដល់ចម្លើយដោយប្រើសន្លឹកស្រង់ស្ថិតិជាក្រដាស។
ប្រសិនបើអ្នកផ្ដល់ចម្លើយដោយប្រើសន្លឹកស្រង់ស្ថិតិជាក្រដាស សូមបំពេញក្នុងសន្លឹកស្រង់ស្ថិតិដែលមានក្នុង "ស្រោមសំបុត្រដាក់ឯកសារស្រង់ស្ថិតិ" ដែលត្រូវបានចែកចាយជូនអ្នក ដោយមើលយោង "សំណៅបកប្រែសន្លឹកស្រង់ស្ថិតិ" និង "សំណៅបកប្រែនៃរបៀបបំពេញសន្លឹកស្រង់ស្ថិតិ"។
សន្លឹកស្រង់ស្ថិតិដែលបានបំពេញរួច សូមបត់ជាបីផ្នត់ដាក់ចូល "ស្រោមសំបុត្រសម្រាប់ដាក់ដោយផ្ញើតាមប្រៃសណីយ៍" ហើយដាក់ក្នុងប្រអប់ប្រៃសណីយ៍ដែលនៅជិតអ្នកបំផុតយ៉ាងយូរត្រឹមថ្ងៃពុធ ទី 8 ខែតុលា ដោយមិនចាំបាច់បិទតែមប្រិ៍។

• ប្រសិនបើពិបាកដាក់ដោយផ្ញើតាមប្រៃសណីយ៍ បុគ្គលិកស្រង់ស្ថិតិនឹងទៅប្រមូលសន្លឹកស្រង់ស្ថិតិ ហេតុនេះសូមទាក់ទងទៅមជ្ឈមណ្ឌលទំនាក់ទំនងជំរឿនប្រជាជនដូចខាងក្រោម។
• សន្លឹកស្រង់ស្ថិតិ 1 សន្លឹកអាចបំពេញរហូតដល់មនុស្ស 4 នាក់។ ប្រសិនបើត្រូវបំពេញដោយមនុស្ស 5 នាក់ឡើងទៅ យើងនឹងចែកជូនសន្លឹកស្រង់ស្ថិតិបន្ថែម ហេតុនេះសូមទាក់ទងទៅមជ្ឈមណ្ឌលទំនាក់ទំនងជំរឿនប្រជាជនដូចខាងក្រោម។